ဆီစားသက်သာစေမည့်နည်းလမ်းများ

▪️ဆီစားသက်သာစေမည့်နည်းလမ်းများ⛽

အရင်က “ဆင်ဖိုးထက် ချွန်းဖိုးကြီး”၊ “ထမ်းပိုးထက် လက်ခကြီး” ဆိုရင်
ဒီခေတ်ကတော့ “ကားဖိုးထက်ဆီဖိုးကြီး” ဖြစ်နေတာဗျ။😤

တကယ်ကိုပဲ ခေါင်ကိုက်နေတဲ့ဆီဈေးတွေက ပြန်ကိုမကျတော့တာကြောင့် ကျွန်တော်တို့ မြန်မာထူးစံကုမ္ပဏီကလည်း လူကြီးမင်းတို့အကုန်အကျသက်သာစေဖို့ ဆီစားသက်သာစေတဲ့နည်းလမ်းကောင်းများကို ရှာဖွေဝေမျှပေးလိုက်ပါတယ်ခင်ဗျာ။😊

အဲ့ဒါလေးတွေကတော့ 👇👇
——

🔸ကားတာယာများကို လေပေါင်ချိန်မှန်အောင်ထားပါ။

လေလျော့နေတဲ့တာယာတွေက ခရီးလမ်းကြာတဲ့အခါ ပွတ်တိုက်မှုတွေ၊ rolling resistance တွေပိုဖြစ်စေတာကြောင့် ပုံမှန်ထက် ၆% လောင်စာဆီပိုကုန်စေပါတယ်။
သတ်မှတ်လေပေါင်ချိန်အတိုင်းရှိနေခြင်းက ဆီစားနှုန်းကို ၁၀% လျှော့ချပေးနိုင်ပါတယ်ဗျ။

🔸မိမိကားအတွက် မှန်ကန်သင့်တော်သော လောင်စာဆီကိုသာ ဖြည့်တင်းပေးပါ။

ဈေးပိုကြီးတဲ့လောင်စာဆီကို ဖြည့်ပေးလည်း မိမိကားအတွက်မဟုတ်တဲ့အခါ ပိုက်ဆံပိုကုန်ရုံပဲရှိပါတယ်။
မိမိကားအတွက်တိကျတဲ့လောင်စာဆီက‌သာ မိမိကားရဲ့ ဆီစာနှုန်းကို အသက်သာဆုံးလျှော့ချပေးနိုင်တာပါ။

🔸ကားပေါ်အလေးချိန်ကို အတတ်နိုင်ဆုံး လျှော့ချပေးပါ။

မိမိကားရဲ့ သတ်မှတ်ထားတဲ့ အသားတင်အလေးချိန်ထက်ပိုမဲ့ 50KG တိုင်းမှာ ဆီစားနှုန်း ၂% ပိုတာကြောင့် ရှိသမျှနောက်ခန်းထဲပစ်ထည့်ထားတတ်တဲ့သူတွေ သတိထားဖို့လိုတယ်ဗျို့။
ဒါ့အပြင် ကားခေါင်မိုးပေါ်က cargo box တို့လိုမျိုးကိုလည်း မလိုအပ်ဖူးဆိုရင် ဖြုတ်ချထားသင့်ပါတယ်။ ဆီစာနှုန်းကို ၈% လောက် လျှော့ချပေးနိုင်လို့ပါ။

🔸Air-con အဖွင့်၊ အပိတ်

မြို့တွင်း၊ လမ်းတိုမှာ အဲကွန်းပိတ်ပြီး မှန်ချမောင်းနှင်ခြင်းက ဆီစာနှုန်းကို ပိုသက်သာစေပါတယ်။
သို့ပေမဲ့ ခရီးရှည်၊ Highway မှာတော့ မှန်ချမောင်းနှင်ခြင်းက wind resistance ကို တိုးစေတာကြောင့် ဆီပိုစားစေပါတယ်။
Highway မောင်းတဲ့အခါ ဆီစားသက်သာဖို့ကတော့ AC low setting ထားပြီး မှန်တင်မောင်းနှင်ခြင်းက အကောင်းဆုံးပါပဲ။

🔸Idling လုပ်ခြင်း(ကားစက်နှိုးပြီး ရပ်ထားခြင်း) ရှောင်ကြဉ်ပါ။

မီးပွိုင့်မိတဲ့အခါမျိုး၊ ကားကျပ်နေတဲ့အခါမျိုးမှာ ကျွန်တော်တို့ဟာ စက်မသတ်ပဲ စောင့်နေတတ်ကြပါတယ်။
အချိန်တစ်မိနစ်ကျော်ရပ်ထားရမဲ့အခါမျိုးမှာတော့ ကားစက်သတ်ထားတာက အကောင်းဆုံးပါပဲ။

🔸လမ်းကြောင်းကောင်းကို ရွေးချယ်မောင်းနှင်ပါ။

အလုပ်သွားမဲ့လမ်းကြောင်း၊ ခရီးသွားမဲ့လမ်းကြောင်း စတာတွေကို အချိန်တိုအတွင်းရောက်နိုင်မဲ့ route ကို ရွေးတာ အကောင်းဆုံးပါပဲ။
လမ်းတိုတာလည်းကောင်းပေမဲ့ လမ်းကြမ်းဖြစ်နေရင်တော့ ချောမွေ့၊ အဆင်ပြေတဲ့လမ်းကောင်းကိုသာ ရွေးသင့်ပါတယ်။
ကုန်းတွေ၊ ခလုတ်တွေ၊ ချိုင့်တွေကို ဖြတ်ကျော်မောင်းနှင်ရတာက ဆီစားပိုတက်စေပါတယ်။

🔸ကားအင်ဂျင်ကို အမြဲစစ်ဆေးပါ။

အင်ဂျင်က ကောင်းကောင်းအလုပ်လုပ်နေမှသာ မလိုအပ်တဲ့လောင်စာအပိုတွေ မကုန်စေမှာပဲဖြစ်တာမလို့ မိမိအင်ဂျင်ကျန်းမာရေးကို အမြဲစောင့်ကြည့်စစ်ဆေးနေဖို့ လိုအပ်ပါတယ်။
အင်ဂျင်အသစ်နဲ့ အဟောင်းရဲ့ ဆီစာနှုန်းကွာခြားမှုက ၅၀ရာခိုင်နှုန်းနီးပါး ရှိတာမလို့ အင်ဂျင်ကျန်းမာရေးက သိပ်ကိုအရေးကြီးပါတယ်။

🔸🔸မိမိကားအပေါ် ညင်သာပါ။ 🔸🔸

ဒီအချက်ကတော့ အရေးအကြီးဆုံးအချက်ပဲဖြစ်ပါတယ်။
ဝုန်းကနဲစထွက်တာမျိုး၊ ရုတ်တရက်ဘရိတ်ကောက်အုပ်တာမျိုး၊ အရှိန်တင်ပြီးရင်းတင်နေတာမျိုး စတဲ့ acceleration ကစားတာမျိုးတွေက အန္တရာယ်လည်း များလှသလို ဆီစားလည်း အတော်ထိပါတယ်ဗျ။
အချိန်ယူပြီး ဖြည်းဖြည်းချင်းစထွက်တာ၊ ရှေ့ကားကိုကပ်မလိုက်ဘဲ ဖြေးဖြေးမှန်မှန်မောင်းနှင်တာမျိုးက ဆီစားသက်သာစေမှာပါ။
ဟိုင်းဝေးတွေမှာလည်း မိမိကားက အော်တိုဆိုရင် cruise control ကို onပေးထားသင့်ပြီး Manual ဆိုရင်တော့ တတ်နိုင်ရင် ဂီယာခပ်မြင့်မြင့်ထားပေးတာကောင်းတာပါတယ်။
ဆီစားနှုန်းကို ၆% လောက်သက်သာစေလို့ပါ။

——

အပေါ်ကအချက်တွေကတော့ ကျွန်တော်တို့ မြန်မာထူးစံကုမ္ပဏီရဲ့ မိတ်ဟောင်း၊ မိတ်သစ်တို့ တစ်လစာဆီစရိတ် အပီရိတ်မခံရဖို့ နည်းလမ်းကောင်းလေးတွေပဲ ဖြစ်ပါတယ်ဗျ။
ဆင်ခြင်၊ လိုက်နာပြီး ဆီစားသက်သာသွားတယ်ဆိုရင်တော့ ကျွန်တော်တို့ကလည်း အလွန်ဝမ်းသာရမှာပါ။ 😊

လူကြီးမင်းတို့အနေနဲ့လည်း ဆီစားသက်သာစေတဲ့ အခြားနည်းလမ်းကောင်းတွေကို သိထားတယ်ဆိုရင်း Comment မှာ ဝေမျှသွားပေးကြပါဦးဗျို့။🤗

မြန်မာထူးစံ ရဲ့ မိတ်ဟောင်းမိတ်သစ် Customer ကြီးများလည်း ယခုဖြစ်ပေါ်နေသောရောဂါဆိုးကြီးမှ ကင်းဝေးကြပါစေလို့ ဆုတောင်းမေတ္တာပို့သအပ်ပါတယ်ခင်ဗျာ🙏🙏🙏

Myanmar Htoo San Co.,Ltd
( HOTLINE )

Yangon Head Office:
Sale – 09448005151 / 09448005353 / 09448005757
Spare – 09453510664 / 09453510667
Service – 09453510701 / 09453510702

Mandalay Head Office:
095112488/
09765112488